Ըստ ՀՀ Քաղաքացիական Օրենսգրքի 50-րդ հոդվածի՝ իրավաբանական անձ է համարվում այն կազմակերպությունը, որը, որպես սեփականություն, ունի առանձնացված գույք և իր պարտավորությունների համար պատասխանատու է այդ գույքով, կարող է իր անունից ձեռք բերել ու իրականացնել գույքային և անձնական ոչ գույքային իրավունքներ, կրել պարտականություններ, դատարանում հանդես գալ որպես հայցվոր կամ պատասխանող:

Ըստ «Անհատ ձեռնարկատիրոջ մասին» ՀՀ օրենքի 1-ին հոդվածի` անհատ ձեռնարկատերն այն ֆիզիկական անձն է, որն իրավունք ունի, առանց իրավաբանական անձ կազմավորելու, ինքնուրույն, իր անունից և իր ռիսկով իրականացնել գործունեություն, որի հիմնական նպատակը գույք օգտագործելուց, ապրանքներ վաճառելուց, աշխատանքներ կատարելուց կամ ծառայություններ մատուցելուց շահույթ (եկամուտ) ստանալն է:
Ա/Ձ-ն առանձնացված գույք չունի և իր պարտավորությունների համար պատասխանատու է անձնական գույքով։

Անհատ ձեռնարկատիրոջ գրանցման արժեքը 3000 դրամ է, իսկ սահմանափակ պատասխանատվության ընկերության (ՍՊԸ) գրանցումը կատարվում է ԱՆՎՃԱՐ:

Կազմակերպության գրանցումը կատարվում է 3 րոպեի ընթացքում։
Անհատ ձեռնարկատիրության պարագայում անհրաժեշտ է ձեռնարկատիրոջ անձնագիրը և սոցիալական քարտը (կամ նույնականացման քարտ), իսկ սահմանափակ պատասխանատվության ընկերության (ՍՊԸ) դեպքում՝ հիմնադրի և տնօրենի անձնագրերը և սոցիալական քարտերը (կամ նույնականացման քարտ)։